اجازه سعيده في تركيا

اليوم انا جايبتلكم موضوووع مهمم !!

عن تركيا والي يفكر يصيف في تركيا ..

بس لمحه بسيطه ..

اولاً حابه اعطيكم ايجابيات دي الجمهوريه :

· الجو فيها رااائع ..>> طبعا على بداية الشتاء .. لا تروحوا لها في الصيف .. نصيحه .. >> موت حر ..

· الملابس جناااااان والله .. يعني القصير وماهو لاقيله جينز على مقاسه رح يلاقيه ورح يعجبه شكله .. لانو الاتراك معظمهم قصار القامه ..

· اغلب الناس يمشوا وحالهم في شانهم الا ... في السلبيات رح تعرفوا ..لكن في ناس عجايز طيبين .. زكمان اللي ياجرو الشقق ..

· في مناطق مررره حلوه وخاصه ترمال .. (حمامات للاستحمام ) الله يكرمكم ..

· وفي مدينه واسمها يلوا وذا تقريبا احلى مافي تركيا .. المنطقه صغيره فيها شقق للايجار نظيفه وعلى البحر والاسواق فيها قريبه من مكان تواجدك فين ماكنت ..

· وعلى البحر رح تلاقوا اماكن قعده (قهوه , شاهي , آيس كريم ...الخ)

· الآيس كريم حقهم يسمونه (داندورمه) مرررره طعم ..

· بيلاو اسم رز عندهم يجنن ..يعني شمروا عن ساعديكم وسموا بسم الله ..

· في مكان اسمه حسن بابا مرره حلو وهادي وانتوا بنفسكم تختاروا اللحم او الدجاج وتشونه ..والجو هناك حلو ..

· في محل حق سمك لكن في استانبول عند حي اسمه (استينيا) المطعم اكله يصرع من كثر ماهو حلو .. انا عني امووت في اكله ..

· وجنب ذا المطعم على نفس الطريق يعني بعد ماتتغدوا روحوا المحل هوه حق حلى اوووووه اوووه هنا الفن .. اقعدوا وطبوا واختاروا من اللي تحبه قلوبكم ..

· احلى شي في محل حق عطور لوحته لونها بني كذا زي الخشب اسعاره رخيصه وعطوره حلوه ..

· هنا الفن الكوفي نت .. اتوقع ذا ارخص شي عندهم مرررره رخيص ..

· احلى شي وبصراحه انا احبه .. المشي .. آآآه هنا الفن والله .. امشي وانبسط ..

· الكوافير سواء للبنات او للشباب .. عليهم قصات نادره وفي حياتي ماشفت زيها في السعوديه .. كمان يقصوا وماعليهم فيكم قصير طويل مومهم اهم شي يسوا اللي في بالهم .. مو زي اللي عندنا يسالونكم ها حلو وانتوا مانتوا داريين ايش سوا في راسكم ..بجد يقصوا الشعر بثقه .. مايسألوكم .. يشوفوا الشعر الميت وكات ..

· الاسواق عندهم تصرع والله مرررره حلوه .. ويعني في الغالي وفي الرخيص ..

ثانياً: وصلت للسلبيات ورح اطلع حرتي فيهم :

· مايطيقوا شي اسمه عرب .. يعني امشوا ولاكأنكم شايفين أحد قدامكم .. لاتعطونهم وجه .. خير شر ..

· انتبهوا من اماكن اللي يبيعوا الداندورمه .. يعني اذا ابتسموا اوكي ابتسموا بس لا تفغروا ..ها .. اذا سألوا ايش اسمكم مالو داعي تقولولهم .. اذا سألوا انتوا من فين لاتردوا .. لانو لو عرفوا انكم سعوديين..او عرب بشكل عام .. رح يمصخونها بزياده (اشياء الواحد يستحي يقولها) والله اقولها وانا صادقه ..

· وصلت عند الجد : اذا كنتوا ماشيين واسمعتوا احد رمى عليكم كلمه ردوا عليهم ولاعليكم في احد وافركوها >>اجروا جري .. لاتستنوا هوه بيرد عليكم أو لأ .. لانوا ذي الحركات ما يعملوها مع بنات بلدهم .. بس مع العرب ..

· لما يجيكم الشحاثات والشحاثين وخاصه الاطفال لاتردوا عليهم ولابكلمه خليكم ساكتين .. انسوا انو عندكم لسان .. لانو لو بس فكرتوا تردوا عليهم رح يقولولكم كلام اوسخ منه مافي أبدا (اعذروهم متربين في الشارع) وطبعا انتو مارح تفهمون ايش ينقال لكم .. ورح تكونوا مصخره لباقي الاتراك ..

· آآآه وصلت عند الهم والله : الاسعار لما تروحوا تشتروا لاتعملوا فيها انوا عندكم كنوز الدنيا وما فيها .. كاسروهم .. وهم رح يقولوا لكم انت ادينا السعر اللي يعجبك ..

· نصيحه : اعيد واكرر اذا سألوكم انتوا من فين لاتردوا او اعملوا نفسكم منتوا فاهمين ..والله لو عرفوا انكم سعوديين .. او عرب لينتفوكم تنتيف .. واسألوا مجرب ..

· اكلهم اوكي حلو ماني قايله شي .. بس اغلبه مشاوي ..

· انتبهوا اذا رحتوا محلات حقت قهوه .. والخ .. اول ماتدخلوا اسألوا بكم البيبسي او الكولا .. لانهم ملاعين يوصلوا السعر للواحد لسته ليرات عاد انتوا احسبوا لو كنتوا مثلا فوق العشره اشخاص وكل واحد اخذله علبه بالله كم رح تدفعوا .. غير الطلبات الثانيه ..يعني بالله رح تدفعوا 60 ليره بس عشان سته علب مشروب غازي .. طيب ايش بقيتوا لباقي الفاتوره اللي مادفعتوا حقها ..ومو بس البسبسي كل شي ..

· لااحد يجيب سالفة اتاترك حقهم ذا يحبونه حب الله اعلم بيه .. والله لو سمع تركي انكم تتكلمون عنه ليخش فيعينكم والا الا يعرف ايش كنتوا تقولوا .. فخلوا سالفتكم عنه لما ترجعوا البيت ..

· اتوقع ذا اخس شي في يلوا لااحد يفكر بستار بكس او ماكدونالدز او كودو او موكاتشينو او بارنيز او برجر كنج او ....الخ .. لانو ماعندهم .. والله من جد ..ماعندهم محل عالمي .. رح تلاقوا في استانبول ..نصها مو كلها ..

· بصراحه اكثر شي رح تنصرف فلوسكم عليه هوه التكسي والاكل ..

مثال : عندنا الدجاج البخاري ب10 ريال والرز كيس ايش كبره ب3 ريال .. حلو .. عندهم صحن بيلاو فوقه شاورما دجاج والله انه قد علبة لبنة بينار حجم الوسط يمكن ذيك اكبر كمان .. وانه فوق 8 ريال .. لحظه هذا للشخص الواحد بس .. يعني اذا اذا انا اقول اذا حبيتوا تصيفوا في تركيا والله ماظنتي بعد ذا الكلام كله .. كل واحد يجي ومعاه بقشة اكله ورا ظهره .. يكون احسن .. خخخخخخ

ادري اني طولت عليكم .. بس ان شاء الله ما اكون سديت نفسكم منها .. تراها حلوه بس اقل كلمه اقولكم هيه انتبهوا من اهلها وبس ..

ان شاء الله انكم استفدتوا .. واذا حبيتوا تاخدوا مرشده سياحيه تراني في الخدمه ..

شــكــرا عــلــى المـعــلــومـــاتـ غــرشــوبــ لــكــنــ تــركــيـا مــو كــلــهــا هــيــك

مشكور غرشوب

معلومات قيمه

تحيتي

يسلمو على مروركم الرائع

وادري ان تركيا كلها مو هيك

لكن انا اللي شفته كتبته وحبيت انصحكم منه وبسسس

شــكــرا عــلــى المـعلومات
_________________
دمعهـ
الاحــــــــــساســ

مشكور خيتووو انا راحت لي تركيا وانا صغيره ما اتذكر شي خخخخخ
_________________
زعلانهـومحد حاسـ فينيـ..
زعلانهـ والدمعـ ماليـ عينيـ
جالسهـ مع احبابي و الحزن مبتليني..
افكر في الحبيبي اللي غدر فيني..
اقولـ يالتنيـ ما صابني ها الحزنـ..

wooooow

انا قبل ما حبيتها و ما كنت ابي اروح لها

بس مرره اعجبتي ولا توقعتها كذل